Beth yw ystyr penllanw’r cyflenwad olew?
Penllanw’r cyflenwad olew yw’r adeg pan gyrhaeddir uchafswm y gyfradd cynhyrchu. Ar ôl yr adeg honno, bydd dirywiad o ran cynhyrchu – yn barhaol.

Nid yw penllanw’r cyflenwad olew yn golygu rhedeg allan o olew ond yn hytrach rhedeg allan o olew rhad.

Pryd fydd cynhyrchu olew byd-eang yn cyrraedd penllanw?
Mae’r amcangyfrifon yn amrywio – dywed rhai ein bod eisoes wedi cyrraedd y penllanw; mae’r rhai mwyaf gobeithiol yn dweud mai’r flwyddyn 2035 fydd hi. Mae Cyngor Petroliwm Cenedlaethol yr Unol Daleithiau yn rhagweld ‘ her arwyddocaol’ erbyn 2015(1).

Ar hyn o bryd, rydym yn defnyddio mwy na 4 casgen o olew am bob un sy’n cael ei darganfod.

Canlyniadau penllanw’r cyflenwd olew
Os na wnawn weithredu, gallai’r rhain fod yn drychinebus.

Mae angen tua 10 calori o ynni tanwydd ffosil i gynhyrchu pob calori o fwyd a gaiff ei fwyta yn yr UDA.

Bydd penllanw’r cyflenwad olew yn arwain at gynnydd dramatig mewn pris, gyda chanlyniadau pellgyrhaeddol i wleidyddiaeth, ffyrdd o fyw, amaethyddiaeth a’r economi yn fyd-eang.

Sut y byddwch yn cyrraedd y gwaith, yr ysgol, y doctor ? O ble y daw ein bwyd? Sut caiff ei ddosbarthu?

World crude oil production over time, Hubbert(2)

Beth gellir ei wneud?
Bydd angen inni wneud newidiadau mawr i’n ffyrdd o fyw, ond wrth fynd i’r afael â phenllanw’r cyflenwad olew mae gennym y cyfle i ddatblygu ffyrdd o fyw a chymunedau mwy cynaliadwy sy’n llai dibynnol ar danwydd ffosil ac sy’n cynhyrchu llai o nwyon tŷ gwydr.

Gallai ein hymateb i’r penllanw cyflenwad olew helpu i leihau bygythiad newid hinsawdd

Yn ganolog i syniad y Trefi Trawsnewid y mae’r Cynllun Gweithredu Gostwng Ynni sef y bwriad o leihau’r defnydd o danwydd ffosil ym mhob agwedd o fywyd gan gynnwys bwyd, tai, iechyd, addysg a’r economi lleol.